Gitigbas patay ang usa ka 41-anyos nga lalaki samtang naglakaw padulong sa iyang trabaho sa Purok 1, Palo 5, Kapatagan, Digos City, alas-4:30 sa kaadlawon, adlaw nga Miyerkules, Agosto 12, 2026. Giila sa kapulisan ang biktima nga si alyas Dodong, 41 anyos, minyo ug usa ka harvester, nga residente sa Barangay Kapatagan.
Base sa inisyal nga imbestigasyon, padulong ang biktima sa Dizon Farm aron mo-report sa trabaho sa dihang kalit siyang giatake uggitigbas sa suspek. Nakaangkon ang biktima og daghang samad sa ulo ug ubang bahin sa lawas nga hinungdan sa iyang kamatayon.
Giila usab sa kapulisan ang suspek nga si alyas Loy, 47 anyos, minyo ug harvester, ug residente sa Purok Pag-asa 1, Kapatagan.
Malampusong nadakpan ang suspek sa mga responding police personnel ug anaa na sa kustodiya sa Digos City Police Station alang sa hustong disposisyon. Usa sa gitumbok nga motibo sa krimen mao ang “personal grudge”. Samtang padayon pa karon ang imbestigasyon sa kapulisan.
