Miulbo ang dakong kalayo sa Nueva Extension, Barangay Taft, Dakbayan sa Surigao, Merkules, Agosto 12, 2026. Paspas ang pagkaylap sa kalayo sa nasangpit nga lugar.
Nagtinabangay ang mga residente sa paghakot ug pagluwas sa ilang mga gamit samtang misamot ang kabaga sa kalayo ug aso sa maong lugar. Dali usab nga miresponde ang bombero sa Surigao Central Fire Station, uban ang mga fire truck nga gipadala gikan sa nagkadaiyang kasikbit nga lungsod aron pag-atubang ug pagpalong sa nagdilaab nga kalayo.
Kahibaloan nga gumikan sa giluto nga “paklay” nga nabiyaan usa sa gisusi sa nahitabong sunog. Padayon ang operasyon sa mga bombero sa pag-control sa sunog, samtang naghulat pa sa dugang nga impormasyon kabahin sa hinungdan sa insidente ug damyos niini.
