Gipaambit nila Judy Ann Santos, Jodi Sta. Maria ug Marvin Agustin ang ilang kasinatian sa pagpakonsulta kang life coach Pia Nazareno-Acevedo.
Sumala kang Judy Ann, dili kinahanglan nga adunay dakong problema ang usa ka tawo aron manginahanglan og life coach. Usahay, importante lang nga adunay kasaligan nga tawo nga paminawon ka ug mohatag og laing panan-aw nga walay paghukom.
Si Jodi Sta. Maria usab miingon nga dili kinahanglan maghulat pa nga moabot sa mental health crisis sa dili pa mangayo og professional guidance.
Samtang, alang kang Marvin Agustin, nakat-on siya nga dili sayop ang pagpili ug pag-atiman una sa kaugalingon, kay mas makatabang siya sa uban kung klaro ug hapsay usab ang iyang kaugalingon.
Photo Courtesy: PEP.ph
