Patay ang usa ka lalaki human kini naigo sa natumba nga kahoy’ng talisay sa may Purok 3, Barangay Saad, Dumingag, Zamboanga del Sur, mga alas 9:30 sa buntag, Agosto 11, 2026.
Ang biktima usa ka Construction Worker, nagpangidaron ug 57-anyos nga residente sa Tabina, Zamboanga del Sur. Sa inisyal nga imbestigasyon sa kapulisan, kasamtangang nagpahigayon ug tree cutting activity ang biktima ug laing tulo ka kauban niini apan sa wala gihandom nga panghitabo kalit natumba ang dakong punuan sa talisay ug aksidente nga naigo ang ulo sa biktima.
Dali pa gidala ang biktima sa Dumingag Rural Health Unit apan gideklara kini sa mi-atiman nga doktor Dead on Arrival. Human niini ang patay’ng lawas sa biktima gidala sa usa sa mga duol nga punerarya ug sa karon gipahiluna na sa nagbangutang kabanay.
Samtang, nakakustudiya na usab karon ang chainsaw operator sa Dumingag Municipal Police Station lakip ang gigamit nga wala narehistro nga chainsaw. Giandam na usab sa Dumingag MPS ang angay nga kaso nga ipasaka batok sa chainsaw operator.
Photo Courtesy: ZSPPO
