Nasikop sa mga otoridad ang usa ka indibidwal nga gikonsiderang Top 1 Provincial Level Most Wanted Person atol sa gipahigayon nga operasyon didto sa Manay, Davao Oriental pasado alas 12:45 sa hapon niadtong nakalabay nga adlaw.
Gilusad ang manhunt operation pinaagi sa mga personahe sa Manay Municipal Police Station, kauban ang laing operatiba sa ubang mga law enforcement units.
Ang suspek nadakpan human nalutsan sa warrant of arrest alang sa kasong duha (2) ka ihap sa Lascivious Conduct ubos sa Section 5(B) sa Republic Act No. 7610 kun Special Protection of Children Against Abuse, Exploitation and Discrimination Act.
Human sa pagdakop sa akusado gipahibalo siya sa iyang mga katungod pinaagi na sa pinulongan nga iyang nasabtan ug nahibal-an. Sa kasamtangan gibalhog na ang suspetsado sa prisohan alang sa saktong disposisyon.
Photo Courtesy: Manay MPS
