Nagpadayon ang pagpalig-on sa suporta sa sektor sa agrikultura human malampusong gipahigayon sa Lokal nga Panggamhanan sa Cagwait, sa pakigtambayayong sa Department of Agriculture–Regional Field Office XIII (Caraga) ug sa koordinasyon sa Universal Storefront Services Corporation (USSC), ang pagpanghatag sa Fuel Assistance to Farmers Project (FAFP) FY 2025 cards sa Municipal Agriculture Office.
Kinatibuk-ang 29 ka kwalipikadong mag-uuma gikan sa Barangay Poblacion ug Barangay Bitaugan East, nga adunay mga kwalipikadong makinarya sa pagpanguma, ang nakadawat sa ilang fuel assistance cards ubos sa maong programa.
Gipangulohan sa Municipal Agriculture Office (MAO) ang kalihokan, diin personal nga gipanghatag ang mga cards ni Engr. Rhea Abegail J. Gamay, Fuel Assistance Coordinator.
Sumala sa LGU Cagwait ug Department of Agriculture, ang maong inisyatibo nagtumong sa paghatag og tukmang panahon nga tabang aron mapadayon ang operasyon sa pagpanguma, mapamenosan ang gasto sa produksyon, ug mapalambo ang produksyon ug kalig-on sa sektor sa agrikultura.
Photo courtesy: LGU Cagwait
