Sundon ang NCAA sa pinakabag-ong FIBA playing rules sa Season 102, alang sa juniors ug seniors basketball tournaments. Tumong niini ang pag-align sa Philippine collegiate basketball ngadto sa international standards.
Matod ni Commissioner Atty. Rico Paolo Quicho, ipatuman sa liga ang 2026 FIBA rules dungan sa mga probisyon gikan sa 2024 FIBA rulebook. Gawas niini, ipatuman usab ang gi-update nga 2026 House Rules.
Segun kang Quicho, ang bag-ong mga lakang mopalambo pa sa nakita nga improvement sa Season 101, diin unang gigamit sa FIBA regulations. Dugang niya nga padayon pag-atiman sa mga players ug konsistent ang officiating sa tanang dula.
Sa miaging season, nahimong bahin sa kasaysayan ang NCAA sa dihang si Saudi Arabian referee Abdullah Alhejaili nag-officiate og collegiate game sa Pilipinas. Gikatakdang ablihan ang NCAA Season 102 sa Septyembre 13 sa Mall of Asia Arena, uban ang San Beda University isip host.
Photo Courtesy: Instagram
