Kung nahadlok ka sa dagom pero gusto gihapon kag tattoo, naa nay solusyon—pero sa London lang. Usa ka British startup nga gitawag og *Cipher X* nag-angkon nga nakahimo na sa unang permanenteng tattoo nga halos walay kasakit. Imbis nga dagkong dagom ang gamiton, patch na lang nga adunay gagmay kaayong microscopic needles ang ipilit sa panit sulod sa 15 minutos.
Ang tattoo dili dayon klaro pagkahuman ipilit, pero sulod sa usa hangtod duha ka adlaw, mogawas na ang disenyo. Ang problema, gamay ra kaayo ang mahimo nga tattoo nga sama lang kadak-on sa piso, ug sa pagkakaron, itom ra usab ang kolor.
Busa kung plano nimo nga magpatattoo og dragon gikan sa abaga hangtod tiil, ayaw na paglaom, emoji ug gamayng kasing-kasing pa lang ang kaya.
Ug kung mahadlok ka gihapon sa dagom, ayaw kabalaka, kay ang sunod nimong kahadlokan mao na tingali ang presyo sa plete paingon sa London.
Photo courtesy: Oddity Central
