Nihangyo ang Federation of Free Farmers (FFF) ug MAGSASAKA Party-List sa Tariff Commission nga mopahamtang og 30% nga safeguard duty sa mga imported nga bugas aron mapanalipdan ang mga lokal nga mag-uuma.
Sumala ni FFF National Manager Raul Montemayor, ang pagtaas sa imported nga bugas human sa implementasyon sa Rice Tariffication Law niadtong 2019 nakahatag og dakong kadaot sa mga mag-uuma sa bugas.
Dugang pa niya nga ang imported nga bugas miabot sa aberids nga 3.446 milyon metriko tonelada kada tuig human sa balaod, halos triple kon itandi sa miaging mga tuig.
Tungod sa sobra nga suplay, ang kita sa mga mag-uuma giingong nikunhod og mga P50 bilyon kada tuig.
Photo Courtesy: Philippine News Agency
