Opisyal nang gilunsad ang New Bataan Schools Athletic Association (NBSAA) Meet 2026 nga gipahigayon sa Don Lorenzo S. Sarmiento, Sr. Sports Complex sa CCES Compound, Brgy. Cabinuangan New Bataan Davao De Oro Agosto 1, 2026.
Ang kalihukan nagdala sa temang “BIDA ang Kabataan: Building Integrity, Discipline, and Athletic Excellence,” nga naghiusa ang mga estudyante-atleta, magtutudlo, coaches, ug mga opisyal gikan sa nagkalain-laing zone ug mga tulunghaan sa lungsod aron ipakita ang ilang talento, disiplina, ug espiritu sa sportsmanship pinaagi sa nagkalain-laing kompetisyon.
Nasayran nga ang maong kalihokan usa ka dakong higayon sa pagpalig-on sa panaghiusa sa kabatan-onan ug sa paghatag kanila og plataporma aron mapakita ang ilang kahusayan sa sports ug liderato.
Samtang nagpadayon ang mga kompetisyon, gipadayag usab sa lokal nga panggamhanan pinaagi sa pagdumala ni Mayora Bianca Cualling Brua ang lig-on nga suporta sa mga programa nga nagpalambo sa talento, disiplina, ug kinaiya sa kabatan-onan, isip pagpangandam kanila alang sa mas dagkong mga hagit ug kalampusan sa umaabot.
