Gisiguro ni Energy Regulatory Commission (ERC) Chairperson Atty. Francis Juan nga dili na ibalhin sa laing bayranan ang tangtangon nga systems loss charge sa bayranan sa kuryente. Matod niya, tumong sa gobyerno nga hingpit nang wagtangon ang maong charge ug dili na kini ibalik pinaagi sa laing kategorya sa power bill.
Bisan pa niini, obligado gihapon ang mga distribution utility sa pagbayad sa kuryenteng ilang makuha gikan sa mga generation company ug sa NGCP, busa kinahanglan pang klarohon kung kinsa ang mopas-an sa maong gasto.
Giingon usab sa ERC nga andam kini nga makigtambayayong sa Kongreso, Department of Energy (DOE), ug uban pang mga ahensya aron maandam ang mga balaod ug regulasyon nga gikinahanglan sa maong panukala.
Samtang wala pa mapatuman ang mga kausaban, nagpabiling taas ang presyo sa kuryente sa nasud tungod sa pagsaka sa gasto sa imported nga petroleum products nga naapektuhan sa nagpadayon nga tensyon sa Middle East.
Photo Courtesy: ERC
