Nakuha sa Filipina tennis sensation nga si Alex Eala ang pinakadakong titulo sa iyang karera matapos gipilde ang top seed ug hometown favorite nga si Jessica Pegula sa score nga 4-6, 6-4, 6-0, sa finals sa 2026 Mubadala DC Open Martes (oras sa Pilipinas).
Nipakita og grabeng determinasyon ang 21-anyos nga Pinay pinaagi sa pagbawi sa katapusang duha ka set human mapilde sa unang set ug taliwala sa halos 20 ka oras nga pagkalangan sa dula tungod sa bati nga panahon.
Tungod sa maong makasaysayanong kadaugan, gilauman nga moasaka si Eala sa iyang career-high nga World No. 20 sa WTA rankings. Kini ang ikaduhang higayon nga nakasulod si Eala sa usa ka WTA final human sa iyang pagkahulog sa Eastbourne sa miaging tuig, samtang nabalda usab niya ang pamasin ni Pegula nga makuha ang ika-12 nga career title ug ikatulo nga kadaugan karon nga season.
Gipadayag ni Eala nga ang suporta ug gugma sa iyang pamilya ug mga higala ang nahimong dako niyang inspirasyon sa tibuok nga laban. Gidayeg usab niya ang iyang kaatbang nga si Pegula ug gipadayag nga dako kaayo ang iyang nakat-onan gikan sa maong dula..
Photo Courtesy:WTA Instagram
