Nahimong una nga testigo sa House Prosecution panel, si Violeta Constantino, kanhi branch manager sa Land Bank of the Philippines (LBP) Shaw Boulevard branch, sa Senate impeachment court kalabot sa giingong sayop nga paggamit sa confidential funds batok kang Vice President Sara Duterte niadtong Miyerkules, Hulyo 29.
Ang iyang testimonya nagtumong sa Article I sa impeachment complaint nga may kalabotan sa giingong dili husto nga paggamit sa ₱612.5 milyon nga confidential funds sa Office of the Vice President (OVP) ug Department of Education (DepEd).
Gikumpirma ni Constantino nga siya mismo ang nagdumala sa pag-encash sa upat ka tseke nga nagkantidad og ₱125 milyon matag usa, o kinatibuk-ang ₱500 milyon. Matod niya, ang mga tseke gipangalan kang Gina Acosta, ang special disbursing officer sa OVP, ug kini gi-withdraw tali sa Disyembre 2022 hangtod Septyembre 2023. Giingon usab niya nga talagsaon o “unusual” ang pag-withdraw sa OVP og ingon kadako nga kantidad sa kuwarta, ilabina ang ₱125 milyon matag transaksyon.
Ang direct examination kang Constantino gipangulohan ni House prosecutor ug Manila Representative Joel Chua. Human sa iyang testimonya, mipahibalo ang abogado ni VP Sara Duterte nga si Atty. Michael Poa nga dili na nila i-cross-examine ang testigo. Ang pagtestigo ni Constantino kabahin sa ika-10 nga adlaw sa impeachment trial batok sa ikaduhang Pangulo.
Photo Courtesy: Instagram
