Gibasura sa Iran ang gisugyot sa Oman nga bahinon sa duha ang agianan sa mga barkong pangnegosyo sa Strait of Hormuz, aron unta mobalik sa kahimtang niini sa wala pa ang gubat.
Matud pa sa mga opisyal sa Iran, wala nila uyuna ang sugyot ug pabilin nila nga pahugtan ang pagbantay sa Strait of Hormuz ug walay barkong makalabang kung walay pagtugot gikan sa ilang nasud.
Misamot pa ang tensyon human naglunsad ang Iran og daghang ballistic missiles batok sa mga pwersa sa Estados Unidos sa Jordan ubos sa gitawag nilang Operation Nasr 2.
Sumala sa U.S. Central Command (CENTCOM), tanan nga mga missile napugngan sa air defense sa wala pa kini makaigo sa target diin gikumpirma usab sa Jordan ang pag-intercept sa pipila sa mga missile.
Samtang, mipahimangno usab si U.S. President Donald Trump nga motubag ang United States pinaagi sa lig-on nga aksyon batok sa Iran.
Tungod sa maong panghitabo, misaka dayon ang presyo sa lana tungod sa kabalaka nga mahimong maapektuhan ang suplay sa krudo gumikan sa kagulyang sa Middle East.
Photo Courtesy: MSN
