Gimando sa Office of the Ombudsman si kanhi House Speaker Martin Romualdez ug ang uban pang mga giapil sa reklamo nga mosumite og ilang counter-affidavit kalabot sa mga kasong gisang-at batok kanila may kalabotan sa giingong anomalya sa mga flood control projects.
Sumala sa Ombudsman, adunay 15 ka adlaw ang mga respondents gikan sa pagdawat sa mando aron motubag sa mga alegasyon. Human masumite ang tanang tubag, pagahukman dayon ang kaso.
Ang mga kaso, nga gisang-at niadtong Hulyo 20, naglakip sa plunder, graft, direct ug indirect bribery, ug money laundering. Giakusahan ang mga respondents sa giingong sayop nga paggamit ug pagbalhin sa pondo sa mga proyekto sa gobyerno gikan sa 2022 hangtod 2025, diin giingong mikabat sa ₱56 bilyon ang nalambigit nga kantidad.
Sa iyang SONA, gibutyag usab ni Presidente Ferdinand Marcos Jr. nga nagpadayon ang imbestigasyon sa maong isyu ug adunay mga kaso nga naisang-at batok sa pipila ka mga opisyal, kontratista, ug mga mambabalaod nga nalambigit sa giingong anomaly and.
Photo Courtesy:Wikipedia
