Gipeke sa usa ka habal-habal driver ang iyang kahimtang og nagpakaaron ingnon nga gikidnap aron itago sa iyang asawa ang P72,000 nga kapital sa ilang tindahan nga iyang nawaldas sa sabungan ug online sugal, apan dali ra gihapon siya nasikop sa pulis.
Nibalik ang nahisgutang lalaki sa ilang panimalay nga gisi-gisi ang sinina og gipatuo ang asawa nga gikidnap siya sa tulo ka lalaki og gipugos pagkuha ang kwarta, gani iya pang gipakita sa litrato nga nakagapos iyang kamot isip ebidensya. Sa dihang nagpakitabang ang asawa, nasayran nga gipeke lang sa maong lalaki ang sitwasyon human adunay nakasumbong nga ang maong lalaki nag-inom lang sa iyang kumpare.
Nasuta nga nagpicture kini sa kaugalingong kamot samtang naggunit sa cellphone apan iyang gisulti nga wala siyay komunikasyon diin sukwahi sa iyang mga gipamulong.
Tungod sa grabeng kadaot nga iyang namugna, kabalaka og kahadlok sa iyang asawa gipatagam kini ug gipapriso. Matud sa asawa niini, patagmon ang sad-an aron dili na muosab.
Photo Courtesy: Pexels
