Gipildi ni Filipina tennis star Alex Eala ang kaniadtong World No. 4 nga si Zheng Qinwen sa China, 4-6, 6-4, 6-1, sa Round of 32 sa Mubadala DC Open. Nakuha ni Zheng ang unang set human makabawi gikan sa sayong abante ni Eala, apan wala nagpadaog ang Filipina netter ug nabawi ang ikaduhang set pinaagi sa pagdaog sa katapusang tulo ka games aron mapantay ang duwa.
Sa deciding set, hingpit nga mipatigbabaw si Eala pinaagi sa 4-0 nga abante ug wala na niya tugoti nga makabalik pa ang iyang kontra hangtod maselyohan ang mahinungdanong kadaugan. Matud ni Eala, gitambagan siya sa iyang coach nga magpabiling kalmado ug mapailubon sa matag gutlo, ug maoy nakatabang kaniya aron mabuntog ang mas eksperyensiyadong kaatbang.
Sunod nga makasangka ni Eala ang Canadian tennis player nga si Leylah Fernandez, nga adunay dugong Pilipino.
Photo Courtesy:ArenaPlus PH
