Misaka ang ihap sa mga rehistradong negosyo sa Kidapawan City karong tuiga, sumala sa Business Permit and Licensing Office (BPLO). Gikan sa 6,169 ka mga negosyo nga narehistro niadtong 2025, misaka na kini ngadto sa 6,189 sa kasamtangan.
Matod sa BPLO, nagpakita kini ug padayon nga pagsalig sa mga mamumuhunan na mag-negosyo sa siyudad, paglig-on sa lokal nga ekonomiya, ug ang kalampusan sa Kidapawan isip usa ka Business-Friendly City sa rehiyon.
Gawas niini, nag-isyu usab ang opisina og 3,590 ka tricycle permits karong 2026. Samtang, 37 ka mga negosyo ang gisilbihan og closure order tungod sa kawalay business permit, subay sa Executive Order No. 73, Series of 2025.
Gipahinumdoman sab sa opisina ang tanang negosyante nga kinahanglan adunay valid business permit, aron legal nga makapadayon ang ilang operasyon sa dakbayan.
