Gibutayag ni President Ferdinand Marcos Jr. atol sa iyang ikalimang State of the Nation Address (SONA) nga iyang gitinguha ang pagtangtang sa system loss charge nga karon gipas-an sa mga konsumidor sa kuryente.
Saysay sa presidente, dili sala sa mga konsumidor ang pagkawala sa kuryente sa transmission ug distribution, busa dili angay nga sila pa ang mobayad niini.
Nunot niini, nanawagan si Marcos sa Kongreso nga usbon ang Electric Power Industry Reform Act (EPIRA) aron mapakunhod ang bayranan sa kuryente ug ipasa ang “Sariling Kuryente Act” aron mapadali ug mapabarato ang pag-instalar sa rooftop solar panels ug battery storage systems sa mga panimalay.
Photo Courtesy: Philippines News Agency
