Nagpahigayon ang Coast Guard Station Lanao del Norte kauban ang Coast Guard Sub-Station Iligan, mga OPCON Units, ug ang Iligan City Disaster Risk Reduction and Management Office ang usa ka Simulation Exercise bahin sa Search and Rescue niadtong hulyo 27, 2026.
Gitinguha sa maong ehersisyo nga mapalig-on ang ka-andam sa mga personahe ug ahensya alang sa mga emerhensiya sa kadagatan.
Gilantaw ug gi-validate usab ang mga pamaagi sa Search and Rescue, gipalig-on ang koordinasyon tali sa mga ahensya, ug gipaayo ang komunikasyon aron sa paspas nga pagresponde.
Dugang pa, importante kini aron masiguro nga epektibo ug dali ang paghatag og tabang kung adunay mahitabo nga maritime incident sulod sa Area of Responsibility sa Dakbayan sa Iligan.
