Mapasigarbohong gi-representar ni Anna Lee Revita gikan sa munisipyo sa New Corella sa probinsya sa Davao del Norte ang gipahigayong Regional Outstanding Barangay Nutrition Scholar (ROBNS) Examination, niadtong nakalabay nga adlaw sa Davao City.
Gipangunahan ang ROBNS sa National Nutrition Council XI nga nagtumong sa pagpili sa Outstanding Nutrition Scholar (BNS) sa rehiyon alang sa calendar year 2025.
Sumala pa, ang mapili nga maka-angkon og pinaka-taas nga iskor sa regional assessment, mao ang mo-representar sa Davao Region sa umaabot nga National Outstanding Barangay Nutrition Scholar.
Dugang pa niini, ang mga lungsod ug syudad nga nagtigi mao ang New Corella, Davao City, Tagum City, Panabo City, Island Garden City of Samal, Digos City, ug Maco.
Photo Courtesy: Bayan ng New Corella
