Nasakmit sa operasyon sa kapulisan sa Tagum City, uban sa Criminal Investigation and Detection Group 11 – DNPFU, DNPIU, Coast Guard Intelligence Group Southeastern Mindanao, CIDG RSOT RFU 11, ug ubang law enforcement agencies ang gituohang smuggled nga mga sigarilyo nga gibanabanang nagkantidad og kapin ₱50.9 million base sa gipaguwang press release sa otoridad atol sa gikasang buy-bust operation sa Purok Cabugan, Barangay Busaon, Tagum City, Davao del Norte niadtong nakalabay nga gabie
Upat ka mga suspek ang nadakpan human sa giingong pagbaligya sa mga sigarilyo ngadto sa usa ka poseur-buyer, samtang ang giingong tag-iya sa kontrabando padayon pang gipangita sa mga awtoridad.
Gawas sa mga sigarilyo, nasakmit usab ang marked money, mga machine copy sa ₱1,000 nga kwarta, tulo ka sakyanan, mga cellphone, ug uban pang ebidensya nga giturn-over na sa CIDG alang sa hustong dokumentasyon.
Sa pagkakaron naka kustodiya na ang mga dinakpan sa buhatan sa kapulisan samtang gi-andam na usab ang mga kaso batok kanila tungod sa giingong paglapas sa Republic Act 12022 o Anti-Agricultural Economic Sabotage Act.
