Gipaambit ni Janine Berdin sa iyang X account nga sukad pa sa Hunyo 2026, nagfollow to follow na sila sa Instagram sa aktres nga si Inde Navarrette, nga bida sa pelikulang Obsession.
Sa screenshot nga iyang gipakita, gipadayag ni Janine ang iyang dakong pagdayeg kang Inde, ug giingon nga kaduha niyang gitan-aw ang Obsession sa sinehan sa Pilipinas tungod sa iyang pagkabilib sa pag-arte sa aktres.
Sa tubag ni Inde, iyang gipadayag usab nga fan siya ni Janine ug kanunay niyang gipaminaw ang mga kanta sa Cebuanang singer.
Mikaylap ang post human namatikdan sa usa ka fan nga gi-repost ni Inde sa TikTok ang usa ka video ni Janine. Tungod niini, malipayon nga gipaambit ni Janine nga dili lang sila nagsinundanay sa Instagram, apan nagkasinabtanay usab sila pinaagi sa pribadong mensahe.
Photo Courtesy: PEP.ph
