Nagpahigayon ang Philippine Military Academy (PMA) og entrance examination sa Iligan City Central School niadtong Hulyo 25 ug 26 aron hatagan og higayon ang mga kabataang Iliganon nga makasulod sa akademya ug makakuha og libre nga edukasyon.
Sumala pa, ang mga makapasar sa eksaminasyon makadawat og libre nga pag-eskwela, sweldo ug allowance samtang nagtungha, ug adunay oportunidad nga mahimong opisyal sa Armed Forces of the Philippines (AFP).
Nunot niini, kinahanglan lang nga ang aplikante Grade 12 graduate, adunay general average nga 85% pataas, physically fit, ug mosunod sa ubang kwalipikasyon nga gitakda sa PMA.
