Sugdan ni Filipina tennis star Alex Eala ang iyang kampanya sa Mubadala Citi DC Open pinaagi sa pag-atubang ni Olympic champion Zheng Qinwen sa China sa unang hugna sa tournament.
Si Eala, ang kasamtangang World No. 29 maoy unang modula sa North American hard-court season nga dugay nang gipangandaman alang sa US Open.
Samtang, dili na mahinayon ang gilaumang dula nilang Eala ug American tennis legend Venus Williams sa doubles competition. Hinuon, si Williams makigdungan na kang Diana Shnaider sa Russia diin wala pa’y opisyal nga rason sa pagbag-o sa pares.
Dili kini ang unang higayon nga magkasumpaki sila ni Zheng gumikan sa 2023 Asian Games, napildi ni Zheng si Eala sa semifinals ug maoy nakadaog sa bulawanong medalya.
Kon makadaug si Eala sa unang hugna, iyang atubangon sa second round ang modaog sa dula tali ni Leylah Fernandez sa Canada ug Magda Linette sa Poland.
Photo Courtesy: Athlete Speaker
