kampanya batok sa korapsyon mao ang gustong madunggan sa kadaghanan sa mga Filipino atol sa State of the Nation Address SONA 2026 ni Presidente Ferdinand Marcos Jr karong umaabot nga Lunes, sumala sa gipagawas nga resulta sa Pulse Asia survey kagahapon.
Sa 2,400 ka mga hamtong, 29.8 porsyento miingon nga gusto nilang madunggan ang mga lakang ni Marcos batok sa korapsyon ilabina kon giunsa pag-imbestiga ug kon giunsa pagsilot ang mga nalambigit sa mga anomalya sa flood control nga adunay 18.9 porsyento.
Gisundan kini sa isyu sa baratong palaliton nga adunay 18.7 porsyento. Lukop sa tanang rehiyon ug social classes, ang kampanya batok sa korapsyon maoy nag-una diin sa Metro Manila nakatala kini og 35.0 porsyento; samtang ang Luzon, nakatala og 32.7 porsyento; Mindanao, 29.7 porsyento; Class ABC, 42.1 porsyento; ug Class D, 29.6 porsyento.
Sa Visayas, mas gipili ang mga isyu sa baratong palaliton sa 22.7 porsyento ug korapsyon nga 19.3 porsyento; samtang sa Class E, mas gusto usab nilang madunggan ang bahin sa baratong palaliton nga adunay 23.8 porsyento; kapobrehon, 15.9 porsyento; ug korapsyon, 13.8 porsyento.
Photo courtesy: PCO
