Moabot sa Pilipinas ang kapin 350 ka delegado gikan sa nagkalain-laing nasud alang sa 10th Senior Aerobic Gymnastics Asian Championships nga ipahigayon gikan Agosto 4 hangtod 7 sa Tagaytay City Velodrome.
Lakip sa moapil ang mga atleta gikan sa Vietnam, Japan, India, Mongolia, Cambodia, Chinese Taipei, Hong Kong, Indonesia, South Korea, Kyrgyzstan, Thailand ug Pilipinas nga makigkompetensya sa men’s ug women’s individual events, mixed pairs, trios, groups, aerobic dance ug aerobic steps.
Sumala ni Gymnastics Association of the Philippines (GAP) President Cynthia Carrion, dugay na nilang giplano ang pag-host sa maong torneyo ug nalipay silang matuman na kini.
Ang torneyo giorganisar sa Gymnastics Association of the Philippines uban sa Philippine Sports Commission ug maglakip sa youth, junior ug senior nga mga kategorya.
Gilauman usab sa GAP nga makamedalya ang Filipino mixed pair nga sila Arcenio Cadios ug Charmaine Dolar, ingon man ang women’s trio nga gilangkuban nila Dorothy Grace Grade, Danielle Grade ug Princess Johana Pama.
Photo Courtesy: Sports Corner PH
