Gipili ni Krystal Mejes, second big placer sa Pinoy Big Brother Celebrity Collab Edition 2.0, nga saulogon ang iyang ika-18 nga adlawng natawhan pinaagi sa outreach program sa Pier Dos, Catbalogan City, Samar.
Kauban ang iyang pamilya, nagbisita siya sa komunidad ug nag-apod-apod og mga bag nga adunay mga kinahanglanon, ilabina alang sa mga pamilya nga naapektuhan sa bag-ohay nga sunog.
Matud ni Krystal, mas makahatag kaniya og katagbawan ang pagbalik sa lugar diin siya nagdako ug pagpasalamat sa mga unang mituo ug misuporta kaniya.
Alang kaniya, mas bililhon ang pagpakabana sa komunidad kaysa sa usa ka engrandeng selebrasyon.
Photo Courtesy: ABS-CBN
