Gipaabot nga ipatuman ang 347 ka proyekto ubos sa Public-Private Partnership (PPP) nga nagkantidad og kapin ₱3.07 trilyon, sumala sa Public-Private Partnership Center.
Sa maong ihap, 164 ka proyekto nga nagkantidad og ₱2.94 trilyon ipatuman sa nasyonal nga gobyerno, samtang 183 ka proyekto nga nagkantidad og ₱124.16 bilyon ipahigayon sa mga lokal nga panggamhanan.
Labing dako ang bahin sa mga proyekto sa sektor sa riles nga mokabat og ₱1.97 trilyon, gisundan sa property development nga ₱281.3 bilyon ug edukasyon nga ₱107.92 bilyon.
Kadaghanan sa mga proyekto ipatuman sa National Capital Region, Central Luzon ug Ilocos Region. Samtang, sumala sa PPP Center, adunay na usab 303 ka PPP projects nga nagkantidad og ₱3.56 trilyon ang kasamtangang gipatuman sa nasyonal ug lokal nga panggamhanan.
Photo Courtesy: Philippine News Agency
