Giplano sa usa ka Japanese startup nga PorMedTec nga mangayo og conditional approval sa 2029 aron masugdan ang pig kidney transplant ngadto sa tawo sa Japan.
Sumala sa kompanya, target nilang sugdan ang unang clinical trial sa nasud sa 2028 sa Hokkaido University Hospital ug Shonan Kamakura General Hospital.
Alang niini, mogamit ang PorMedTec og cloned pigs nga gikan sa genetically modified pigs nga gihimo sa U.S.-based biotech company nga eGenesis. Magtukod usab sila og mga pasilidad sa 2027 aron makakuha og kidney gikan sa mga baboy duol sa duha ka ospital.
Matod ni Dr. Kazunari Tanabe, sa Shonan Kamakura General Hospital, halos pareho ang pamaagi sa pagkuha og kidney gikan sa baboy ug sa tawo, ug luwas usab kining mahimo.
Sa Estados Unidos, upat na ka pasyente ang nakadawat og pig kidney transplant og nakalahutay nga wala na kinahanglana ang dialysis sulod sa hangtod siyam ka bulan.
Photo Courtesy: Aju Press
