Nagpirma og Memorandum of Agreement (MOA) ang Philippine Statistics Authority (PSA), Bangko Sentral ng Pilipinas (BSP) ug Securities and Exchange Commission (SEC) aron mas mapalambo ang pagdumala sa datos kabahin sa Foreign Direct Investment (FDI) sa nasud.
Tumong sa maong kolaborasyon ang pagpahiuyon sa FDI data compilation sa Pilipinas sa internasyonal nga mga sumbanan, pagpaayo sa kalidad ug kasakup sa datos, ug pagpalig-on sa pagsalig sa mga langyaw nga mamumuhunan.
Mitambong sila Department of Finance Secretary Frederick Go, PSA National Statistician ug Civil Registrar General Dr. Claire Dennis S. Mapa, BSP Deputy Governor Zeno Ronald R. Abenoja, ug SEC Chairperson Francisco Ed. Lim.
Hingpit usab nga gisuportahan ang maong kalihokan sa ubang opisyal sa PSA, lakip si Assistant Secretary Divina Gracia L. del Prado ug Assistant National Statistician Mark C. Pascasio.
Sumala sa PSA, padayon kini sa pakigtambayayong sa ubang ahensya sa gobyerno ug mga stakeholder aron masiguro ang paghatag og taas nga kalidad nga opisyal nga estadistika nga magamit sa tukmang paghimo og mga polisiya ug desisyon alang sa nasud.
Photo Courtesy:Shutterstock
