Gihimakak sa National Capital Region Police Office (NCRPO) ang alegasyon nga ilang gipugngan ang hangyo sa militanteng grupo nga Bagong Alyansang Makabayan (BAYAN) sa pagpahigayon og rally atubangan sa Saint Peter Parish sa Quezon City, dungan sa State of the Nation Address (SONA) ni Pangulong Ferdinand Marcos Jr. sa Hulyo 27.
Matod ni NCRPO spokesperson Police Lieutenant Colonel Hazel Asilo, wala sa ilang awtoridad ang pag-aproba sa mga lugar alang sa mga rally, hinungdan nga wala siyay basehan ang maong akusasyon.
Gipasabot niya nga ang tahas sa NCRPO limitado lamang sa pagmintinar sa kalinaw ug seguridad sa lugar, samtang ang pag-isyu sa rally permits ug pagtudlo sa mga lugar alang sa mga demonstrasyon responsibilidad sa lokal nga panggamhanan.
Dugang pa ni Asilo, wala na tugoti ang mga demonstrasyon sa Saint Peter Parish sukad pa sa miaging mga tuig.
Ang pamahayag sa NCRPO gisunod sa akusasyon sa BAYAN nga gipugngan ang ilang plano nga protesta. Naghangyo usab ang grupo sa NCRPO nga dili manghilabot sa panaghisgot tali sa mga organizer, lokal nga panggamhanan, ug uban pang mga stakeholder bahin sa maong rally.
Photo Courtesy: Currentph.com
