Nakapasar sa kwalipikasyon sa programa sa National Commission for Culture and the Arts (NCCA) ang dugang unom ka barangay sa Kidapawan City, kung asa, mao kini ang Barangay Linangkob, Barangay New Bohol, Barangay Lanao, Barangay Kalasuyan, Barangay Macebolig ug Barangay Nuangan.
Sumala sa City Information Office, ang tumong sa maong programa mao ang pagpalig-on sa pagpreserba sa lokal nga kultura, tradisyon ug mga kalihokan sa komunidad pinaagi sa suporta sa NCCA. Gilauman nga mas mapalapdan pa ang mga proyektong pangkultura ug pangsining sa maong mga barangay.
Bag-ohay pa lamang, nakadawat na og accreditation ang mga Barangay nga gilangkuban sa Kalaisan, Singao, Manongol, Sudapin, Birada, Ginatilan, Poblacion, Patadon, Paco, Amas, Junction ug Perez. Pinaagi niini, padayon nga gitutukan sa Kidapawan City ang pagpanalipod ug pagpasigarbo sa lokal nga kabilin alang sa umaabot nga mga henerasyon.
