Patay ang duha ka Pilipinong seafarers human sa drone attack nga nahitabo sa Black Sea, sa bahin sa Ukraine. Gikumpirma ni Department of Migrant Workers (DMW) Secretary Hans Cacdac ang maong insidente ug mibutyag nga adunay usab 12 ka personahe nga sa gihapon gikonsiderar nga nawagtang human sa pag-atake.
Matod ni Cacdac, nagpadayon ang recovery operations samtang giasikaso usab sa DMW ang pagpapauli sa mga lawas sa duha ka namatay nga biktima. Ang unang biktima namatay sa drone attack nga nahitabo niadtong Hulyo 6, ug nakigtambayayong na ang pamilya niini sa DMW alang sa mga angayng lakang.
Samtang ang ikaduhang biktima namatay sa laing pag-atake niadtong Hulyo 19, ug padayon usab ang koordinasyon sa DMW sa pamilya sa namatay. Dugang pa ni Cacdac, siyam ka mga barko nga gisakyan sa kinatibuk-ang 139 ka seafarers ang naapektuhan sa mga pag-atake samtang naglawig sa bahin sa Black Sea.
Photo courtesy: Merchantnavydecoded
