Nagpagawas ang Bangko Sentral ng Pilipinas (BSP) og bag-ong guidelines aron mapalig-on ang pagbatok sa money laundering, terrorism financing ug uban pang illegal financial activity nga mahimong nalambigit sa casino junket operations.
Ang casino junket operators mao ang mga kompanya nga nag-organisa ug mga high-value patrons, lakip ang travel arrangements, pagpapahulam ug kredito, ug booking sa mga gaming room
Sa guidelines sa BSP, gidasig ang tanang BSP-supervised financial institutions nga palig-onon ang ilang risk management pinaagi sa higpit nga pag-ila sa mga kliyente, padayon nga pagmonitor sa mga transaksyon, ug dali nga pagreport sa mga kahina-hinalang kalihokan.
Lakip sa mga gitumbok nga red flags ang unusual nga dagan sa kuwarta, komplikadong ownership structures sa mga corporate clients ug layer transactions.
Gipasiugda usab sa BSP ang importansya sa kooperasyon tali sa BSP, PAGCOR ug mga financial institutions aron mas epektibong mapugngan ang paggamit sa mga bangko sa ilegal nga mga transaksyon.
Photo Courtesy:Philippine News Agency
