Patay ang usa ka 37-anyos nga babayeng driver human nahulog ang iyang gimanehong mini van sa usa ka concrete canal sa Vetallea Subdivision, Barangay Bulatok, Pagadian City adlaw’ng Martes, Hulyo 21, 2026.
Base sa inisyal nga imbestigasyon sa Pagadian City Police Station, paingon padulhog ang sakyanan dihang nipalyar ang brake, hinungdan nawad-an sa kontrol ang Driver ug misimang sa dalan ug nahulog sa roadside concrete canal.
Gisulayan pa og dala sa ospital ang driver apan gideklarang patay sa miatimang doctor, samtang stable ra usab ang kondisyon sa 27-anyos niyang kauban nga sakay sa maong sakyanan.
Sa karon anaa pa sa lugar nahitaboan ang nadaot nga mini van samtang gihulat ang pag-recover niini ug nagpadayon pa usab ang imbestigasyon sa kapulisan.
Photo Courtesy:ZSPPO
