Gipadayon sa Office of the Ombudsman ang pag-andam sa mga kaso batok kang Senador Chiz Escudero ug Senador Joel Villanueva, sumala ni Ombudsman Jesus Crispin “Boying” Remulla. Sa iyang pamahayag atol sa usa ka press briefing, gibutyag ni Remulla nga nagapadayon na ang imbestigasyon batok kang Escudero, apan anaa pa kini sa fact-finding stage.
Matud niya, gisusi pa pag-ayo sa Ombudsman ang tanang impormasyon ug ebidensiyang ilang nadawat tungod kay dili tanan niini masaligan. Ang imbestigasyon batok kang Escudero may kalabotan sa giingong maanomalyang flood control projects nga gisusi sa Ombudsman.
Samtang, gipasiguro usab ni Remulla nga padayon ang pag-andam sa kasong posibleng ipasaka batok kang Senador Joel Villanueva.
Photo Courtesy: Philippine News Agency
