Adunay bag-ong kaabag si Golden State Warriors Head Coach Steve Kerr. Sumala sa mga report, gikuha sa Warriors si Frank Vogel isip associate head coach, hulip kang Terry Stotts nga mibiya sa coaching staff human sa 2025-2026 NBA season.
Si Vogel, adunay dugay nga kasinatian isip head coach sa Indiana Pacers, Orlando Magic, Lakers ug Phoenix Suns diin sa miaging season, nagsilbi siya nga assistant coach sa Dallas Mavericks.
Sa iyang career isip head coach, adunay siyay 480 ka daog ug 422 ka kapildihan, ug walo ka higayon nang nakapasulod sa playoffs ang iyang mga koponan.
Gilauman nga ang iyang kasinatian makatabang sa Warriors nga makabangon diin nagtapos sila og 37 ka daog ug 45 ka kapildihan, ug napildi sa play-in tournament batok sa Phoenix Suns.
Photo Courtesy: LA Times
