Mokabat na sa walo ka tawo ang namatay human sa usa ka drone attack nga gidudahang gikan sa Ukraine didto sa kasadpang bahin sa Russia.
Daghan usab ang naangol sa maong insidente nga nahitabo sa lungsod sa Kotovsk sa rehiyon sa Tambov. Sumala kang Tambov Governor Evgeny Pervyshov, naigo sa drone ang usa ka warehouse nga maoy hinungdan sa mga kaswalti.
Gipahibalo usab sa mga otoridad sa Russia nga nakaharang sila og 28 ka drones nga gituohang gilunsad sa Ukraine. Samtang, mokabat sa 25 ka tawo ang padayon nga nagpaayo sa ospital human makaangkon og mga samad sa nagkalainlaing bahin sa ilang lawas.
Padayon karon nga ginamonitor sa mga awtoridad ang sitwasyon samtang nagpadayon ang tensyon tali sa Russia ug Ukraine.
Photo Courtesy:PBS
