Ginalantaw nga dakong hagit ang pag-usab sa pamatasan sa katawhan labi na sa mga nagamaneho og sakyanan aron nga maminusan ang disgrasya ug magpabiling luwas nga kadalanan.
Sumala pa ni DOH X, Regional Director Dr Henry Sulpicio Legaspi Jr, nga labing mahinungdan ang pagpataas sa kahimatngon ug kahibalo sa katawhan o motorista nga mahimong responsable sa paggamit sa kadalanan ug ipatigbabaw ang disiplina ug pag-amping.
Tuod, dili malikayan nga adunay human error apan dili kini angay nga magresulta sa kamatayon busa labing mahinungdanon nga dus-an sab ang hugot nga pagpatuman sa mga balaud.
Dugang ni Dr Legaspi, gane ang simpleng pagsul-ob og helmet samtang nagamaneho og motorsiklo, dakong tabang na nga maluwas ang kinabuhi ug maminusan ang dakong gasto sa pagpa-ospital.
Photo courtesy: Healthy Pilipinas/ DOH X
