Mikabat sa Kapin 100 ka kabalayan ang gilamoy sa dakong sunog sa siyudad sa Drammen, Norway, sumala sa mga rescue officials. Milukop ang baga nga itom nga aso sa maong lugar nga gibanabanang anaa sa 50 kilometro.
Bisan sa kadako sa sunog, walay natahong namatay o nawala nga residente. Kapin sa 60 ka bombero ang gipakatap aron mapalong ang kalayo, samtang gigamit usab ang mga helikopter sa pagsabwag og tubig gikan sa kahanginan aron mapugngan ang dugang nga pagkaylap sa kalayo.
Tungod sa kusog nga hangin, dali nga mikaylap ang kalayo ug nakaabot pa sa duol nga kalasangan, hinungdan sa pag bakwit sa gatusan ka mga residente. Sa pagkakaron, nagpadayon ang imbestigasyon sa mga awtoridad aron mahibal-an ang hinungdan sa sunog ug masusi ang tinuod nga gidak-on sa mga kadaot.
Photo Courtesy:Travel and Tour World
