Nasakmit sa kapulisan ang druga nga mokantidad sa kapin sa Php40,000.00 ug nadakpan ang suspetsado sa gipahigayon search warrant operation sa Purok Maigang, Brgy. Talisay, Dapitan City, Zamboanga Del Norte niadtong milabayng adlaw.
Wala na hinganli ang dinakpan, 56 anyos, balo, residente sa maong dapit ug naila nga Street Level Individual Illegal Drugs watchlist sa Dapitan CPS.
Narecover gikan sa posisyon sa dinakpan ang 6 ka gramo sa shabu nga nagkantidad ug Php40,800.00. Gilusad ang maong operasyon pinaagi sa mga personahe sa Dapitan CPS kauban ang Mabuhay SBC 5TH SOU MG.
Tingkagol sa selda sa Dapitan CPS, ang dinakpan alang sa tukmang disposisyon samtang ang mga nakumpiska nga druga giturnover ngadto sa ZN Provincial Forensic UNIT-9 alang sa chemical examination.
Photo Courtesy: Dapitan CPS
