Gihingusgan ang duha ka mahinungdanong lakang ni Agriculture Secretary Francisco Tiu Laurel Jr. nga nagtumong sa pagpausbaw sa kita sa mga lokal nga mag-uuma sa nasod.
Pinaagi sa usa ka opisyal nga pamahayag, gipadayag ni Tiu Laurel nga iyang gimandoan ang National Food Authority (NFA) nga ipasaka ang minimum buying price sa palay sugod sa umaabot nga ting-ani karong bulan sa Septyembre.
Gisugo sa kalihim ang NFA nga isaka ngadto sa ₱21.00 matag kilo ang palit sa basa nga palay (wet palay) gikan sa kanhi ₱17.00 matag kilo. Ang maong usbaw gipatuman aron matabangan ang mga mag-uuma sa pagsagubang sa nagkataas nga presyo sa abono ug uban pang mga materyales sa pagpanguma.
Gawas niini, mimando usab ang kalihim sa temporaryong pagpahunong sa pagsulod sa mga imported nga bugas didto sa lalawigan sa Iloilo sugod sa tunga-tunga sa Septyembre hangtod sa katapusan sa Nobyembre. Gihimo kini nga lakang aron mapugngan ang pagbaha sa mga imported nga bugas dungan sa peak season o kinapungkayan sa ting-ani sa maong dapit
