Pipila ka mga estudyante ang dinalian nga gidala sa labing duol nga hospital human nangatagak gikan sa usa ka Isuzu Elf truck sa kalsada sa atbang sa DPWH Musuan sa Maramag, Bukidnon gabii sa Hulyo 16, 2026.
Base sa inisyal nga impormasyon, nakisakay sa gawas nga bahin sa maong sakyanan ang mga biktima sa dihang kalit lang nga naabli ang siding sa tuo nga bahin sa truck, kansang niresulta sa pagkahagbong sa daghang mga sakay niini ngadto sa sementadong kalsada.
Sa pagkakaron, wala pa gipagawas sa mga awtoridad ang eksaktong gidaghanon sa mga biktima ug ang kahimtang sa ilang panglawas samtang padayon pa silang gipang-atiman sa mga doktor.
Nagpadayon usab ang makuting imbestigasyon sa kapolisan sa Maramag aron matino ang tinuod nga hinungdan sa aksidente ug aron sutaon kon kinsa ang angay nga manubag sa maong hitabo.
Photo Courtesy:Padayon Lang PH
