Naghatag og pagpasabot ang Legal Unit III sa Department of Education o DepEd Davao de Oro sama sa legal nga giya, opinyon ug proteksyon alang sa mga magtutudlo ug ubang empleyado sa ahensya, lakip ang mga isyu nga may kalabotan sa katungod ug kaluwasan sa mga bata.
Matud ni Atty. Armando Dalisay Jr. sa Office of the Schools Division Superintendent – Legal Unit III, responsibilidad sa ilang opisina ang pagdumala sa mga legal nga butang nga may kalabotan sa DepEd, ilabi na ang mga isyu nga nag-apekto sa mga magtutudlo ug estudyante.
Tumong niini nga masiguro nga adunay hustong legal nga giya ang mga magtutudlo ug ubang kawani sa pagtuman sa ilang mga katungdanan ug sa pag-atubang sa mga legal nga problema nga mahimong motungha sa ilang trabaho.
Gipasiugda usab ang kamahinungdanon sa pagsabot sa mga katungod ug responsibilidad aron mapanalipdan ang kaayohan sa mga magtutudlo ug mga bata sulod sa sistema sa edukasyon.
