Gipasakaan na og reklamo tungod sa giingong paglapas sa Comprehensive Firearms and Ammunition Regulation Act ang usa ka menor de edad nga gikatahoang nasakpan nga nagdala og armas sulod sa usa ka klasrum sa Catarman, Northern Samar, niadtong Oktubre 1, 2026. Kini ang gikumpirma ni Police Regional Office 8 Director PBGen Romano Cardiño.
Matod pa ni Cardiño, siguruhon sa mga awtoridad nga ang maong kaso dumalahon subay sa balaod, samtang gipanalipdan ang mga katungod ug identidad sa menor de edad.
Gipasiugda usab sa kapulisan sa Eastern Visayas ang ilang padayong paningkamot aron mapadayon ang kaluwasan sa mga estudyante sulod sa mga eskwelahan. Giawhag nila ang publiko nga diha-diha nga motaho sa mga insidente o kalihokan nga mahimong hulga sa seguridad sa mga tunghaan.
Photo courtesy: wikipedia
