Usa ka talagsaong tradisyon ang nasaksihan sa mga netizen, imbis nga magsubo ang mga sakop sa pamilya uban sa mga kaparyentihan sa dihang adunay namatay, nagsinayaway nahinuon ug nagsaulog sila isip kabahin sa ilang dugay nang naandan nga kultura.
Matud pa sa mga residente sa lugar, ang maong tradisyon nagpakita sa ilang pagtuo nga ang kamatayon dili katapusan sa kinabuhi kondili usa ka kadaogan ug pagbalhin ngadto sa mas malinawon nga kahimtang.
Gipahayag usab sa mga katigulangan sa lugar ang pagsayaw usa kini ka paagi sa paghatag og katapusang pasidungog sa namatay, nagtuo sab sila nga pinaagi sa malipayong paghatod, mahimong malinawon ang panaw sa kalag ngadto sa sunod nga kinabuhi.
Bisan og lahi kini sa naandan sa uban, gitahod gihapon kini sa mga bisita ug mga lumulupyo ang maong tradisyon isip kabahin sa ilang kultura ug kabilin sa ilang mga minahal sa kinabuhi, nagpakita sab kini nga nagkalainlain ang mga pamaagi sa pagpasidungog sa pagmahal ngadto sa namatay depende sa pagtuo ug kostumbre sa matag komunidad.
Ug nagpahinumdom sab kini nga bisan nagkalahi ang tradisyon sa matag lugar, ang tumong sa tanan mao ang paghatag og respeto ug paghandom sa namatay.
Photo Courtesy: Instagram
