Gilunsad sa administrasyon ni U.S. President Donald Trump ang kampanya batok sa International Criminal Court (ICC), tungod kay giisip niini nga hulga sa soberanya sa Estados Unidos ang internasyonal nga korte.
Matud ni U.S. Secretary of State Marco Rubio, wala giila sa Estados Unidos ang awtoridad sa ICC sa pag-imbestiga o pagpasaka og kaso batok sa mga Amerikanong lungsoranon ug mga opisyal sa gobyerno. Dugang pa niya, dili motugot ang administrasyon ni Trump nga mahimong hulga ang ICC sa mga opisyal sa Amerika.
Sumala sa mga taho, gikonsiderar sa Estados Unidos ang pagpatuman og travel bans, pagkansela sa mga visa, dugang nga sanctions batok sa ICC ug mga kauban niini, ingon man ang paggamit og diplomatic pressure aron awhagon ang ubang nasud nga mobiya sa international tribunal. Samtang, mipili ang ICC nga dili una mokomento bahin sa maong isyu.
Photo courtesy:Trial International
