Nag-viral sa social media ang usa ka talagsaong graduation portrait sa usa ka magna cum laude human sa iyang graduation nga lahi sa naandan.
Ang migraduate nga si Remelyn B. Delos Santos, nga nakatapos sa Bachelor of Science in Criminology sa Laguna State Polytechnic University Lopez Satellite Campus, Batch 2026, mipili nga magpalitrato nga nagtalikod sa kamera imbes nga moatubang kini.
Sa iyang Facebook post, giingon niya sa paagi sa pagkomedya nga ulawon siya, maong bisan sa iyang opisyal nga graduation photo wala niya gipakita ang iyang nawong.
Bisan pa sa talagsaong konsepto, makita gihapon sa layout ang iyang ngalan, kurso, pasidungog isip magna cum laude, ug duha ka gagmay nga hulagway nga nagpakita sa iyang nawong.
Ang maong graduation portrait dali nga mikatag online ug nakadawat og liboan ka reaksyon gikan sa mga netizens, diin daghan ang nalingaw ug midayeg sa iyang talagsaong paagi sa pagsaulog sa usa ka dakong kalampusan.
Photo Courtesy: Miss Jai
