Puno sa kadasig si Julie Anne San Jose sa iyang pagbalik isip coach sa sikat nga talent search nga “The Voice Kids.” Matod niya, bisan wala pa matino ang eksaktong petsa sa blind auditions, nagkaduol na kini tungod kay hapit na usab matapos ang “The Clash Teens.”
Bisan busy ang iyang iskedyul, dako ang iyang kalipay sa pagdawat sa bag-ong hagit.
Gipadayag usab ni Julie Anne nga dako ang iyang kahinam tungod kay makatrabaho na niya sa maong programa ang pipila sa mga iladong personalidad sa industriya sa musika.
Dugay na niyang gihandom nga mahimong kauban sila sa usa ka proyekto, busa giila niya kini isip usa ka espesyal nga oportunidad sa iyang karera.
Bisan dugay na silang magkaila tungod kay gamay ra ang industriya sa showbiz, giingon ni Julie Anne nga lahi ang kasinatian sa pagtinabangay isip mga coach.
Gani, interesado siya nga masinati kung unsaon sa iyang mga kauban ang pag-mentor sa mga batan-ong contestants ug ang kompetisyon sa pagpili sa mga talento.
Sa pagbalik sa “The Voice Kids,” naglaom si Julie Anne San Jose nga makahatag og inspirasyon ug giya sa sunod nga henerasyon sa mga batan-ong mag-aawit.
Photo Courtesy: Pinterest
